"అవును.. నేను ఫాసిస్ట్‌నే అని చెప్పేయ్!".. రిపోర్టర్ ప్రశ్నకు ట్రంప్ ఇచ్చిన ఆన్సర్ మామూలుగా లేదుగా!

అమెరికా రాజకీయాల్లో డొనాల్డ్ ట్రంప్ రూటే వేరు. సీరియస్ విమర్శలను కూడా తన హ్యూమర్, టైమింగ్‌తో తిప్పికొట్టడంలో ఆయనకు ఆయనే సాటి. తాజాగా సోషల్ మీడియాలో వైరల్ అవుతున్న ఒక వీడియో ఇందుకు నిదర్శనంగా నిలుస్తోంది.

సందర్భం ఏంటంటే.. ఒక రిపోర్టర్ జోహ్రాన్ మమ్దానీని (Zohran Mamdani) సూటిగా ఒక ప్రశ్న అడిగారు. "ట్రంప్ ఒక ఫాసిస్ట్ అని మీరు నిర్ధారిస్తున్నారా?" అని ప్రశ్నించారు. దీనికి సమాధానం ఇచ్చేందుకు మమ్దానీ కాస్త తడబడుతూ.. "నేను.." (I've-) అని ఏదో చెప్పబోయారు. అంతలోనే పక్కనే ఉన్న ట్రంప్ కల్పించుకున్నారు. ఏమాత్రం కోపం తెచ్చుకోకుండా, మమ్దానీ భుజం తడుతూ.. "పర్లేదు.. సింపుల్‌గా 'అవును' (YES) అని చెప్పేయ్. ఎందుకంటే దానికి వివరణ ఇవ్వడం కంటే.. అలా అనేయడమే చాలా ఈజీ. నాకేం అభ్యంతరం లేదు" అని నవ్వుతూ చురకలంటించారు.

తనను తాను ఫాసిస్ట్ అని పిలిపించుకోవడానికి కూడా ట్రంప్ ఇంత కూల్ గా రియాక్ట్ అవ్వడం చూసి నెటిజన్లు ఆశ్చర్యపోతున్నారు. "ఈయన చాలా ఫన్నీ ప్రెసిడెంట్" అంటూ కామెంట్స్ చేస్తున్నారు.