దుబాయ్ ఎయిర్ షోలో ఆసక్తికర దృశ్యం.. పాక్ యుద్ధ విమానాన్ని పరిశీలించిన భారత పైలట్లు!

దుబాయ్ ఎయిర్ షో 2025 వేదికగా ఆసక్తికరమైన, అరుదైన దృశ్యాలు ఆవిష్కృతమయ్యాయి. సరిహద్దుల్లో నిత్యం ఉద్రిక్తతలు కొనసాగుతున్న వేళ, దుబాయ్ వేదికగా భారత, పాకిస్థాన్ వైమానిక దళాధికారుల మధ్య కనిపించిన ఆత్మీయత నెటిజన్లను ఆకట్టుకుంటోంది.

పాకిస్థాన్ ఎయిర్ ఫోర్స్ పెవిలియన్‌లో ప్రదర్శనకు ఉంచిన 'జేఎఫ్-17 థండర్' (JF-17 Thunder) యుద్ధ విమానాన్ని భారతీయ పైలట్లు ఎంతో ఆసక్తిగా పరిశీలించారు. సోషల్ మీడియాలో వైరల్ అవుతున్న వీడియోల ప్రకారం.. భారత వైమానిక దళ (IAF) అధికారులు పాక్ యుద్ధ విమానం డిజైన్, సామర్థ్యాలను నిశితంగా గమనించారు. అంతేకాకుండా, తమ మొబైల్ ఫోన్లలో ఫొటోలు, వీడియోలు తీసుకుంటూ, పాక్ పైలట్లతో చిరునవ్వుతో సంభాషించారు.

A fascinating moment at Dubai Air Show 2025,Indian Navy personnel were taking so many photos of Pakistan’s JF-17 Thunder at the static display that it almost felt like an unspoken tribute.
After the way JF-17 performed on 9th May the precision, the energy, the sheer confidence… pic.twitter.com/F0vxj6Dm7U

— احمد (@itxAhmad7744)

?ref_src=twsrc%5Etfw">November 20, 2025

పహల్గామ్ దాడి, ఆపరేషన్ సింధూర్ వంటి ఘటనల తర్వాత ఇరు దేశాల మధ్య సంబంధాలు దెబ్బతిన్నప్పటికీ, రక్షణ రంగ నిపుణులుగా వారు కనబరిచిన ఈ 'కామ్రేడరీ' (స్నేహభావం) ప్రశంసనీయం. టెక్నాలజీ పట్ల ఆసక్తి, వృత్తిపరమైన గౌరవం దేశాల సరిహద్దులకు అతీతమని ఈ సంఘటన రుజువు చేస్తోందని నెటిజన్లు కామెంట్ చేస్తున్నారు.

మరోవైపు, ఇదే ఎయిర్ షోలో భారతదేశానికి చెందిన తేజస్ మార్క్-1 (Tejas Mk1) యుద్ధ విమానం కూడా తన విన్యాసాలతో అదరగొట్టింది. నవంబర్ 17 నుంచి 21 వరకు జరిగిన ఈ షోలో సుమారు 200కు పైగా విమానాలు ప్రదర్శన ఇచ్చాయి. పాకిస్థాన్ తన జేఎఫ్-17 విమానాలను అజర్‌బైజాన్ వంటి మిత్రదేశాలకు విక్రయిస్తున్నట్లు ప్రకటించగా, భారత అధికారులు వాటి సాంకేతికతను అంచనా వేయడం గమనార్హం.